BE.27 Logu no.86
DEBATA DO MANGGOMGOMI

Ayat 1
Haleluya ari Minggu Ari na dumenggan i
Molo iba lao marpungu Dohot dongan Kristen i
Ari na sumurung i Las ni rohangki do i

Ayat 2
Maradian do tondingku Di na jumping Minggu i
Nasa arsak ni rohangku Hulonongkon do disi
Tu bagasan roha ni Jesus Kristus, Tuhanki

Ayat 3
Na huula ganup ari Hutundalhon do disi
Asa tarpasarisari Au ngolu ni tondingki
Arta na ummarga i Jumpang au di Minggu i

Ayat 4
Lomo ni rohaM o Tuhan Naeng patupaonku do
Parangengku hupadenggan Asa hupasangap ho
Ulos hatigoran i Lehon ma di tondingki

Ayat 5
Sai pahehe ma rohangku Sai ajari ma au on
Jala tongos pangapulMu Tu bagasan rohangkon
Baen sombu sadari on Uas ni tondingkinon

Ayat 6
Pasupasu ma jamita Di huriaMi sude
Sai pasongop tu pandita Nang tu angka guru pe
Tondi Parbadia i Marsahala baen sude

Ayat 7
Paimbaru ma padanmu Dohot na porsea i
Pargogoi ma siseanmu Pasangaphon goarMi
Tangiangna, ende pe Sai tangihon ma sude.

Ayat 8
Sai urupi au Tuhanku Paujungkon ari on
Di bagasan tangiangku Songon na hupungka on
Sai huhalungunhon ma SabatM, o Debata.
